Plantun de Prouvènço

Pèr coumpara dos planto d'encò nostre

Radiola linoides & Viola calcarata

Radiola linoides

Linaceae

Noms en français : Radiole faux lin, Faux Lin.

Descripcioun :
Lou faus-lin es uno pichoto planto pas bèn grando que se vèi pas gaire. Trachis dins li relarg umide, proche d'aigo, sus sòu séusous. Se recounèis à si fueio óupousado quàsi óuvalo de mens de 4 mm de long e à si cambo roujo. Li flour soun pourtado pèr de long pecou emé de petalo blanco dificile de vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 12 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Radiola
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : 1,3 à 3 mm
Flourido : Printèms

Sòu : Si
Autour basso e auto : 0 à 1600 m
Aparado : Noun
Mars à jun

Liò : Sablo umido - Pelouso roucaiouso bagnado - Riéusset
Estànci : Mesoumediterran à Mountagnard
Couroulougi : Paleoutemperado
Ref. sc. : Radiola linoides Roth, 1788

Pansé

Viola calcarata

Violaceae

Àutri noum : Pensèio, Pensado, Flour-de-la-ternita.

Nom en français : Pensée des Alpes.

Descripcioun :
Aquesto poulido pansé (J.-L. Domenge in LMT, op.cit. p. 60 ) trachis en coulounìo dins li pelouso e bos de mountagno. Fai de flour de mant'uno coulour, en mescladisso, blanco, vióuleto o pourpro. I'a toujour de jauno à la gorjo de la petalo d'en bas emé de rais vióulet. L'esperoun fai souvènt mai d'un cm.

Usanço :
La pansé se culis "dins lou germas", Ibid. à la primo. Emé li flour se fai de tisano contro lou cop de fre.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Viola
Famiho : Violaceae

Ordre : Malpighiales

Coulour de la flour : Blanco Jauno
Petalo : irreguliero
Ø (o loungour) flour : 10 à 25 mm
Flourido : Printèms - Estiéu

Sòu : Ca (Si)
Autour basso e auto : 800 à 2800 m
Aparado : Noun
Mai à juliet

Liò : Pelouso - Bos clar - Champino
Estànci : Mountagnard à Aupen
Couroulougi : Ouroufito-Aupenco
Ref. sc. : Viola calcarata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Radiola linoides & Viola calcarata

ges

Coumpara Faus-lin emé uno autro planto

Coumpara Pansé emé uno autro planto